Կորոնավիրուսը և հակաբիոտիկները. ինչ պետք է իմանալ

Հակաբիոտիկների օգտագործման աճը՝ նրանց նկատմամբ վիրուսի կայունության զարգացման գործոններից է: ԱՀԿ տվյալներով` բակտերիալ վարակների դեմ հակաբիոտիկների անարդյունավետության հետևանքով, ամեն տարի մահանում է մոտավորապես 700 հազար մարդ: Հակաբիոտիկների ոչ տեղին նշանակումն առաջացնում է նաև կողմնակի ազդեցություններ՝ ալերգիաներ, մարսողական և այլ օրգան-համակարգերի գործունեության խանգարումներ, որոնք, սովորաբար, վերադարձելի են:

Հակաբիոտիկները կարող են ոչնչացնել միայն մանրէներին, վիրուսների վրա նրանք չեն ազդում:  Եվ, մեծավ մասամբ, շնչառական վիրուսային վարակների ժամանակ նրանց նշանակումն արդարացված չէ: Հակաբիոտիկներն անհրաժեշտ են այն ժամանակ, երբ վիրուսային վարակը բարդանում է միկրոբներով:

UpToDate բժշկական տեղեկատվության համաձայն, բակտերիալ վարակը ոչ միշտ է միանում կորոնավիրուսային թոքաբորբին: Այդ պատճառով փորձագետները խորհուրդ չեն տալիս առանց բակտերիալ վարակի ախտանշանների հակաբիոտիկ նշանակել:

Հիվանդության թեթև ձևերի դեպքում, ամբուլատոր բուժման պայմաններում, հակաբիոտիկների կարիք չկա:

Հարցեր, պատասխաններ, մեկնաբանություններ